विदेश जाने श्रमिकको अब पासपोर्टमै पारिश्रमिक तोकिने

साउन ३१ । वैदेशिक रोजगारीमा जाने कामदारको दोहोरो करारपत्र हटाउन सरकारले राहदानीमै पारिश्रमिक राख्न थालेको छ । 

वैदेशिक रोजगार व्यवसायीले दुई थरी सरकारलाई देखाउने र वास्तविक करारपत्र बनाउँदै कामदारलाई न्यून पारिश्रमिकमा पठाएको भेटाएपछि वैदेशिक रोजगार विभागले पासपोर्टमै पारिश्रमिक टास्न थालेको   हो ।

श्रम तथा रोजगार मन्त्रालयले तोकेको न्यूनतम पारिश्रमिकभन्दा कममा मागपत्र ल्याउने र विभागमा नक्कली कागजात पेस गर्ने म्यानपावर एजेन्सी यो व्यवस्थाबाट निरुत्साहित हुने विश्वास विभागको छ ।

सरकारले मुख्य श्रम गन्तव्य मुलुक साउदी अरबमा १ हजार रियाल( ९२५ हजार रुपैयाँ), कतार १२ सय रियाल (९३० हजार रुपैयाँ) र संयुक्त अरब इमिरेट्स युएईमा ११ सय रियाल (९२७ हजार ५ सय) पारिश्रमिक तोकेको छ । 

विभागले यीभन्दा कम पारिश्रमिकमा श्रम स्वीकृति दिँदैन । तर एजेन्सीहरुले नक्कली करारपत्र बनाई धमाधम कामदार पठाइरहेका छन् । ‘यस्तो खुला ठगी नियन्त्रण गर्न राहदानीमै श्रम स्वीकृतिको स्टिकर राख्न थालेका हौँ , विभागका महानिर्देशक विनोद केसीले भने,’अब त्यस्ता ठग म्यानपावर ठाउँमा आउँछन् । ‘ कारोबार दैनिकमा

 खबर छ ।

उनका अनुसार कामदारले पनि सम्बन्धित मुलुक नपुगेसम्म आफूले पाउने पारिश्रमिक बढी र लागत खर्च कम देखाउने गरेका छन् । विदेशमा समस्या भएपछिमात्र बास्तविक समस्या खुलाउँछन्,उनले भने,’यसले पनि नियमनमा असहज भएको थियो ।’