सुन चाँदीको भाउमा ओरालो

 मंसिर १२ । मंगलवार केहि बढेको सुन चाँदीको भाउ बुधवार फेरि घटेको छ । बुधवार ३ सयले घटेर सुन तोलाको ५३ हजार ५ सय रुपैयाँमा कारोवार भइरहेको छ ।

लगातार भाउ घटिरहेका बेला मंगलवार ३ सय रुपैयाँले नै बढेर तोलामा ५३ हजार ८ सय पुगेको थियो । अन्तराष्ट्रिय बजारमा भाउ घटेकाले नेपाली बजारमा पनि भाउ घटेको नेपाल सुन चाँदी व्यवसायी महासंघले जनाएको छ ।

विवाहको सिजन सुरु भएपनि अघिल्लो वर्षको तुलनामा यो वर्ष सुनको कारोबार खासै बढ्न नसकेको व्यवसायीले बताएका छन् । चाँदी पनि तोलामा ५ रुपैयाँले घटेर ८ सय ६५ रुपैयाँमा किनबेच भइरहेको छ ।