पुल बन्न ढिलासुस्तीपछि सडक विभागलाई डेलिगेशन
खोटाङका नव निर्वाचित सभासद पाचकर्ण राई (पिके) र ओखलढुंगाका यज्ञराज सुनुवारको नेतृत्वमा गएको टोलीले बिहिबार सडक विभाग समक्ष सुनकोसी र दुधकोसीको पक्की पुल निर्माण कार्यलाई तिब्रता दिन माग गरेका छन् ।
खोटाङ, ओखलढुंगा, सोलुखुम्बु र सिन्धुलीबासीको डेलीगेसन टोलीले काठमाडौं बबरमहलस्थित सडक विभाग समक्ष यथासक्य चा“डो पुल निर्माणको काम पूरा गर्न माग गरेका हुन् । निर्माण थालिएको वर्षौ बितिसक्दा पनि उदयपुर र ओखलढुंगाको घुर्मीस्थित सुनकोसी तथा ओखलढुंगा र खोटाङको सिमामा पर्ने जयरामस्थित दुधकोसीमा निर्माणाधिन पुलको निर्माण कार्यले गति नलिएको भन्दै सभाषदद्धयको नेतृत्वमा डेलिगेसन गएको हो ।
टोलीले पुल निर्माण कार्यलाई तिब्रता प्रदान गर्न सडक बिभागका महानिर्देशक देबेन्द्र कार्कीको ध्यानाकर्षण गराएका हुन् । प्रमुख नाकामा पर्ने नदीमा पुल नहु“दा आवत–जावत गर्न र दैनिक उपभोग्यबस्तु ओसार–पसार गर्नमा कठिनाई भएको भन्दै चा“डो पुल निर्माण पूरा गर्न माग गरिएको डेलीगेसन टोलीले जनाएको छ ।
डेलीगेसन टोलीलाई विभागका महानिर्देशक कार्कीले सुनकोसीको घुर्मीमा निर्माणाधिन पुल यसै वर्ष पूरा गर्ने आश्वसन दिएको सभाषद राईले जानकारी दिएका छन् । पुलको अभावमा माथिल्लो सगरमाथा क्षेत्रका सोलुखुम्बू, ओखलढुंगा र खोटाङको आन्तरिक तथा बाह्य यातायात सेवा प्रभावकारी हुन नसकेको भन्दै चार जिल्लावासीले सुनकोसी र दुधकोसीको पुल यथाशिघ्र चा“डो निर्माणको माग गरेका हुन् ।
प्रकाशित मिति:
December 19, 2013
