चुनाव सकिए लगत्तै १० प्रतिशत महँगी बढ्यो
मंसिर ३० । दसैं, तिहारलगत्तै संविधानसभा निर्वाचनभएको कारण देशमा महँगी १० प्रतिशत बढेको छ । आर्थिक वर्ष सुरु भएदेखि निरन्तर बढ्न थालेको महँगी कात्तिकमा १० प्रतिशतले बढेको हो ।नेपाल राष्ट्र बैंकले सार्वजनिक गरेको कात्तिकसम्मको विवरण अनुसार खाद्यान्न तथा पेय पदार्थको मूल्य उच्च अंकले बढेपछि समग्रमा मूल्य वृद्धिदर माथि गएको हो । अघिल्लो वर्ष ८.९ प्रतिशत रहेको खाद्यान्न तथा पेय पदार्थको मूल्य वृद्धि यसपालि १३.५ प्रतिशतले बढेको नागरिक दैनिककमा खबर छ ।
निर्वाचनका कारण सरकारी खर्च बढ्नुका साथै उम्मेद्वार तथा राजनीतिक दलहरुले पनि चुनाव प्रचारमा खर्च गरेका कारण मूल्य वृद्धिमा चाप परेको हो ।
निर्वाचन आयोगले प्रतिउम्मेद्वार १० लाख रुपैयासम्म खर्च गर्न तोकिएपनि कतिपय उम्मेद्वारले निर्वाचन आयोगले तोकेको सीमाभन्दा निकै बढी खर्च गरेका थिए । त्यसको असर मूल्य वृद्धिमा परेको छ ।
निर्वाचनले बढेको वस्तु तथा सेवाको मूल्य पहिलेकै अवस्थामा फर्किन करिब दुई महिना लाग्ने अर्थशास्त्रीहरु बताउँछ् ।
प्रकाशित मिति:
December 15, 2013
