राष्ट्रपतिद्धारा मन्त्रीपरिषद अध्यक्ष अझै अप्ठ्यारोमा, तर पछि हटे राष्ट्रपति

पुस २७ । मन्त्री परिषद अध्यक्ष खिलराज रेग्मीलाई बोलाएर राष्ट्रपति डा. रामवरण यादवले संविधानलाई ख्याल गरेर संविधानसभाको पहिलो बैठक बोलाउन ध्यानाकर्षण गराएका छन् ।

अन्तरिम संविधानमा संविधानसभाको पहिलो बैठक प्रधानमन्त्रीले बोलाउने भन्ने उल्लेख भएपनि राष्ट्रध्यक्षको हैसियतले बैठक बोलाउने जिम्मा राष्ट्रपतिको भन्दै यादव भने केही समयदेखि सक्रिय रहँदै आएका थिए ।

यस्तो बेला रेग्मीको ध्यानाकर्षण गराउनुले उनी पछि हटेको बुझिएपनि धारा ३६ क लाई ख्याल गर्न भनेका छन् । धारा ३६ क मा राष्ट्रपति र उपराष्ट्रको काम कर्तव्य तथा जिम्मेवारीबारे उल्लेख छ ।

यसो हुँदा अन्तरिम सरकारले बैठक बोलाउँदा राष्ट्रध्यक्षको हैसियतमा रहेका राष्ट्रपतिलाई कसरी राख्ने भन्ने ख्याल गर्न तिर राष्ट्रपतिले संकेत गरेको बुझिएको छ । जसले गर्दा इतिहासका लागि भएपनि संविधानसभाको पहिलो बैठक आफैं बोलाउन लागि परेका रेग्मीलाई भने अप्ठ्यारो स्थिति समेत आएको छ । उनले राष्ट्रपतिको चित्त बुझाएर बैठक बोलाउने तयारी गर्नु पर्ने देखिएको हो ।

पहिलो बैठक बोलाउने विषयमा अव्यवहारिक र लाजमर्दो तवरले विवाद भएपछि राष्ट्रपति भने यो विषयबाट पछि हट्न पुगेको बुझ्न सकिन्छ ।

बैठकपछि राष्ट्रपति कार्यालयबाट जारी गरिएको विज्ञप्तिमा अन्तरिम सबिधानको धारा ६९ मा निर्वाचन आयोगले चुनावको अन्तिम नतिजा सार्वजनिक गरेको २१ दिनभित्र प्रधानमन्त्रीले सबिधानसभाको पहिलो बैठक आह्वान गर्नेछन भन्ने कुरा उल्लेख छ ।

राष्ट्रपति र अध्यक्ष रेग्मीबीचको भेटसँगै यो विषयले किनारा पाउने देखिएपनि यो बिबादबारे परेको रिटको अन्तिम फैसला सर्बोच्च अदालतले २९ गते गर्दैछ ।