विदेशमा मृत्यु भएका व्यक्तिको नाममा पनि सरकारी कर्मचारीद्धारा घुस

काठमाडौं, १४ माघ । बैदेशिक रोजगार क्षेत्रमा थरीथरीका अनियमितता भएको समाचार बारम्बार आईरहन्छन् । तर पछिल्लो पटक एक सरकारी कर्मचारीले रोजगारीका लागि विदेशमा छदाँ मृत्यु भएका व्यक्तिका नाममा समेत घुस खाने गरेको तथ्य फेला परेको छ ।

वैदेशिक रोजगारीका लागि विभिन्न मुलुक पुगेर समस्यामा परेका कामदार को उद्दार गर्न र उनीहरुलाई अभिमुखी करण कार्यक्रम सञ्चालन गर्ने अख्तियारी पाएको वैदेशिक रोजगार प्रर्वद्धन बोर्डकी निमित्त कार्यकारी निर्देशक गीरिजा शर्माले लासलाई माध्यम बनाएर पिडितबाट दाम असुल्न थालेको पाइएको छ ।

उनले मृतक कामदारले पाउने क्षतीपुर्तीको १० प्रतिशत माग्ने गरेको खुलासा भएको हो ।  यतिमात्र नभएर उनले घरेलु कामदारका लागि अनिवार्य शिपमुलक तालिम लिनुपर्ने भएपछि शर्माले आफु नजिकका अभिमुखीकरण तालिम केन्द्रमा शिप सिक्न जवरजस्ति पठाँउने गरेको समेत बताइएको छ । नियम विपरित ढंगले लाखौं रुपैयाँ असुलेर ६० भन्दा वढि अभिमुखीकरण तालिम केन्द्रलाई स्वीकृती दिएको एक व्यवसायीले बताए । 

सरकारले शीपमुलक तालिम लिने कामदार सँग प्रतिकामदार पाँचहजार तिन सय रुपैयाँ लिन सक्ने व्यवस्था गरेको छ । तर शर्माले भने त्यस्ता संस्थासँग प्रतिकामदार छ हजार रुपैयाँ असुल्न आदेश दिने गरेकी छिन् । आफु शक्तिकेन्द्रसँग नजिक रहेको बताउँने शर्मा वैदेशिक रोजगार प्रवद्धन वोर्डबाट श्रम मन्त्रालयमा सरुवा भएपनि उनको भ्रष्ट क्रियाकलापले भने उत्पात मच्चाउन थालेको श्रम मन्त्रालयका एक उप–सचिवले बताए ।  शर्माले गरेको अनियमितताका विषयमा बैदेशिक रोजगार अभिमुखीकरण व्यवसायीले अख्तियारमा मुद्या हाल्ने तयारी गरिरहेको श्रोतले बताएको छ ।