बाबुरामलाई प्रधानमन्त्री बनाउदाको चियर्स तस्बीर सार्वजनिक
माघ । तत्कालिन एमाओवादी उपाध्यक्ष बाबुराम भट्टराईलाई प्रधानमन्त्री बनाउँदा मधेसी मोर्चासँग सम्झौतासँगै पाटी गरिएको चियर्स तस्बीर सार्वजनिक भएको छ ।पूर्व सञ्चारमन्त्री समेत रहेका नेता जयप्रकाश प्रसाद गुप्ताले सो बेलाका तस्बीरहरु सार्वजनिक गरेका हुन् । सो अवसरमा सहमतिसँगै गिलासमा रक्सी राखेर चियर्स समेत गरिएको थियो । तस्बीरमा एमाओवादी अध्यक्ष पुष्पकमल दाहाल तथा उपाध्यक्ष भट्टराईले समेत गिलास बोकेको देखिएको छ ।
भट्टराई नेतृत्वको सरकार गठन हुदा एमाओबादीमै रहेका तात्कालिन उपाध्यक्ष मोहन वैद्य नेतृत्वको विचार समुहले माओबादी–मधेसवादी गठवन्धनको मोर्चालाई अप्रकाकृतिक गठवन्धनको संज्ञा दिदै विरोध जनाएको थियो ।
गुप्ताले सामाजिक सञ्जाल फेसबुकमार्फत यस्तो तस्बिर सार्वजनिक गर्दै सोही सहमति आफूलाई सिध्याउने खेल भएको भनेर समेत उल्लेख गरेका छन् ।
कसैसँग नभएको फोटो अब सबैतिर भन्दै गुप्ताले ले लेखेका छन् ‘डा. बाबुराम भटराइ नेतृत्वमा मधेसी–माओवादीको संयुक्त सरकार गठन सम्बन्धि सहमति हुंदाको बखतको तस्विर । सहमति अनि चीयर्स । गहिरो गरी जान्नेहरू भन्छन, यही घटनापछि मलाइ समाप्त पार्ने काल जन्मियो । कहि कतै, अरू कोही संग नभएको यो तस्वीर अब सबैका लागि सार्वजनिक भयो ।’
प्रकाशित मिति:
January 28, 2014
