चौरासी विद्यालयको रकम निकासामा रोक
वीरगन्ज, १३ माघ । सामाजिक परीक्षण र लेखा परीक्षण प्रतिवेदन पेस नगरेका पर्साका ८४ वटा विद्यालयको दोस्रो चौमासिक रकम निकासामा रोक लगाएको छ ।जिल्लाको शैक्षिक सुधार तथा विद्यालयमा आर्थिक पारदर्शीता कायम राख्न ५९ बु“दे आचारसंहिता लागू गरेकामा त्यसमध्ये सामाजिक परीक्षण र लेखा परीक्षण प्रतिवेदन पेस नगरेका ती विद्यालयको दोस्रो चौमासिक रकम निकासामा रोक लगाएको जिल्ला शिक्षा कार्यालयले जनाएको छ ।
रकम निकासामा रोक लगाएपछि त्यस्ता विद्यालयका शिक्षक शिक्षिकाले तलब पाउन सकेका छैनन् । उनीहरूलाई कम्तीमा तलब खुवाउन सक्नेगरी व्यवस्था मिलाउन लागेको जिल्ला शिक्षा अधिकारी हरिप्रसाद वस्तीले बताए ।
प्रकाशित मिति:
January 27, 2014
