कांग्रेसले थाल्यो सरकार गठन प्रक्रिया, एमाले सकरात्मक
माघ १३ । संविधानसभाको पहिलो ठूलो दल नेपाली कांग्रेसले सहमतीय सरकार निर्माणका लागि पहल थालेको छ ।संसदीय दलको नेतामा निर्वाचित भएपछि सभापति सुशिल कोइरालाले आज एमालेसँग सरकार निर्माणको विषयमा छलफल गरेका छन् । छलफलका क्रममा सरकार गठनमा सघाउन एमाले सकारात्मक देखिएको बताइएको छ ।
एमाले नेता भीम रावलले वैठकमा कांग्रेसको प्रस्तावप्रति आफ्नो पार्टी सकारात्मक भएको बताएका छन् ।
कांग्रेस महामन्त्री प्रकाशमान सिंहले पनि कांग्रेस नेतृत्वमा सरकार गठनका लागि एमालेले सहमत भएको बताए ।
आजको व्यबस्थापिका संसद्को दोस्रो वैठकलगत्तै बसेको दुई पार्टीको छलफलले ६ महिना भित्र स्थानीय निकायको निर्वाचन र एक बर्षभित्र संबिधान जारी गर्ने गरी अघि बढ्ने निश्कर्ष निकालेको बताइएको छ ।
आइतबार राष्ट्रपति रामवरण यादवले दलहरुलाई सहमतीय सरकार गठनका लागि आह्वान गरे लगत्तै कांग्रेस सरकार निर्माणका लागि जुटेको हो ।
प्रकाशित मिति:
January 27, 2014
