काठमाडौं अब २४ सैं घण्टा खुल्ला
पुस २२ । राति ११ बजेपछि उपत्यकाका होटल, रेस्टुराँ, डान्सबार डिस्कोलगायत रात्रि व्यवसाय सञ्चालनमा लाग्दै आएको सीमा हटाएर सरकारले चौबिसै घण्टा खोल्न पाउने नयाँ व्यवस्था ल्याउने तयारी गरेको छ ।सरकारको यस्तो तयारीसँगै रात्रिकालीन व्यावसाय सञ्चालनमा लगाउँदै आएको समयसीमा हट्ने भएको हो ।स्थानीय प्रशासन, प्रहरी, होटल, रेस्टुराँ तथा पर्यटन व्यवसायीहरु रात्रिकालीन व्यवसायलाई मर्यादित र व्यवस्थित रुपमा चौबीसै घण्टा सुचारु गर्न सहमत भएको कारोबार खबर छ ।
रात्रि व्यवसाय सञ्चालनका नाममा सामाजिक तथा संगठित अपराध, विकृति, विसंगति बढेको भन्दै तत्कालीन सरकारले ०६५ असोजमा राति ११ बजेपछि होटल, रेस्टुराँ तथा डान्स बार सञ्चालनमा रोक लगाएको थियो । त्यसपछि काठमाडौं प्रहरी प्रमुख भएर आएका अधिकारीहरुले ‘आर्थिक चलखेल’ र आफूअनुकुल सुरक्षा योजना ल्याएका कारण पनि व्यवसायीले हैरानी खेप्दै आएका थिए ।
प्रकाशित मिति:
January 06, 2014
