पासपोर्टका कारण पारस शाह थाईल्याण्डमा अलपत्र

माघ १५ । पूर्वयुवराज पारस शाह पासपोर्टका कारण थाईल्याण्डमा अलपत्र परेका छन् ।

सामान्यतः केही नभएका र कोही नभएका मान्छे बिचल्लीमा पर्ने गरेको र  बिदेशको ठाउँमा धेरै नेपालीहरु यस्तै अबस्थामा बिचल्ली पर्दा नेपालीहरुले नै सहयोग गरेर उद्दार गरे पनि सबै पुगिसरी भएका पूर्व युवराज पारस शाह अहिले बिचल्लीको अबस्थाबाट गुज्रिएको भन्दै जनआस्था साप्ताहिकले यो खबर छापेको छ ।

 थाइल्याण्डको राजधानी बैंककबाट केही पर रहेको चियाङमाइस्थित लागूऔषध पुनस्थापना केन्द्रबाट डिस्चार्ज भएको दुई साता बितिसक्यो । केन्द्र पारसमा अब लागूऔषधको कुनै अंश बाँकी नरहेको र उनी पूर्णरुपमा पुर्नस्थापित भएको ठहर गरिसक्यो । अब उनी नेपाल फर्किन सक्ने अबस्थामा छन् । तर, उनी चाहेर पनि नेपाल फर्किन सकिरहेका छैनन् । कारण, पुर्नस्थापनामा लगिएका ब्यक्तिका सवै चीज प्रहरीकहाँ हुन्छन् । उनको पासपोर्ट पनि थाई प्रहरीको नियन्त्रणमा छ । पुनस्थापना भइसके पनि उनी आफ्नै चाहनाले हिडडुल गर्न सक्दैनन् । त्यसलै स्थानीय अभिभावकका रुपमा प्रेमीका कन्निका चाइसानलाई राखेका छन् । उनलाई अहिले नेपाल फर्किने चटारो भएपनि प्रहरीले दिन नमानिरहेको खबरमा उल्लेख छ ।

प्रहरीले अहिले आधिकारिक अभिभावकलाई मात्र राहदानी दिने र उनको साथमा मात्र थाइल्याण्ड छाड्न पाउने जनाउ दिएको छ । थाई प्रहरीले कन्निकालाई आधिकारिक अभिभावक मान्दैन । कारण, पारस र उनीवीच आधिकारिक बिबाह भएको छैन् । थाई प्रहरीले पत्नी हिमानी वा बाबु ज्ञानेन्द्रलाई मात्र आधिकारिक अभिभावक मान्ने भएकाले अब पारसलाई त्यहाँबाट मुक्त गरेर ल्याउन उनीहरु दुईमध्ये एक जना जानुपर्ने अबस्था छ । तर, पत्नी हिमानी र पिता ज्ञानेन्द्र दुवै जना यतिबेला आफन्तको बिबाहका लागि भारतमा छन् ।