उपनेता बन्न बाबुराम भट्टराई मानेनन्
हेलोखबर सम्वाददाता
माघ १७ । पूर्वप्रधानमन्त्री समेत भईसकेका एमाओवादी पूर्वउपाध्यक्ष डा. बाबुराम भट्टराई संसदीय दलको उपनेता नबन्ने भएका छन् ।
केही समय संविधान नबन्दासम्म एक वर्षसम्म सरकारी तथा पार्टी भित्रको पनि कुनै पनि पदमा नबस्ने घोषणा गरेका भट्टराईले पार्टी हेडक्वार्टरमा उपनेता बन्न गरेको प्रस्ताव अस्वीकार गरेका हुन् ।
आफू प्रधानमन्त्री भइसकेको व्यक्ति भएकोले उपनेता नबन्ने भन्दै भट्टराईले उक्त प्रस्ताव अस्वीकार गरेको बताइएको छ ।
भट्टराईले उपनेता नबन्ने भएपछि कसलाई बनाउने भनेर एमाओवादी भित्र बहस सुरु भएको छ । एमाओवादीले यसअघि नै दलको नेतामा भने अध्यक्ष दाहाललाई बनाउने निर्णय गरिसकेको छ । उपनेतामा भट्टराई नबन्ने भएपछि नेता कृष्ण बहादुर महरालाई बनाउने विषयमा छलफल भईरहेको बताइएको छ ।
भट्टराईले आफू उपनेता नबस्ने भएसँगै आफू पक्षधर नेतालाई बनाउनु पर्ने अडान समेत नराखेको बुझिएको छ ।
तर, स्रोतका अनुसार भट्टराई पक्षले उपनेतामा आफ्नो पक्षका व्यक्ति नपरे पनि प्रमुख सचेतकमा कडा दावेदारी प्रस्तुत गर्ने तयारी गरेका छन् । भट्टराई पक्षले दलको नेता र उपनेता छाडेर प्रमुख सचेतक आफ्नो पक्षमा पार्ने तयारी गरे पनि प्रमुख सचेतक समेत आफ्नै पक्षको पार्ने रणनीति दाहाल पक्षको रहेको बुझिन आएको छ ।
संविधानसभामा आफ्ना सभासद्माथि ह्वीप जारी गर्नेदेखि लिएर महत्वपूर्ण क्षेत्राधिकार प्रमुख सचेतकमा पनि आफ्नै पक्षको नेता पार्ने अध्यक्ष पुष्पकमल दाहाल पक्षको योजना रहेको स्रोतले दाबी गरेको छ ।
माघ १७ । पूर्वप्रधानमन्त्री समेत भईसकेका एमाओवादी पूर्वउपाध्यक्ष डा. बाबुराम भट्टराई संसदीय दलको उपनेता नबन्ने भएका छन् ।
केही समय संविधान नबन्दासम्म एक वर्षसम्म सरकारी तथा पार्टी भित्रको पनि कुनै पनि पदमा नबस्ने घोषणा गरेका भट्टराईले पार्टी हेडक्वार्टरमा उपनेता बन्न गरेको प्रस्ताव अस्वीकार गरेका हुन् ।
आफू प्रधानमन्त्री भइसकेको व्यक्ति भएकोले उपनेता नबन्ने भन्दै भट्टराईले उक्त प्रस्ताव अस्वीकार गरेको बताइएको छ ।
भट्टराईले उपनेता नबन्ने भएपछि कसलाई बनाउने भनेर एमाओवादी भित्र बहस सुरु भएको छ । एमाओवादीले यसअघि नै दलको नेतामा भने अध्यक्ष दाहाललाई बनाउने निर्णय गरिसकेको छ । उपनेतामा भट्टराई नबन्ने भएपछि नेता कृष्ण बहादुर महरालाई बनाउने विषयमा छलफल भईरहेको बताइएको छ ।
भट्टराईले आफू उपनेता नबस्ने भएसँगै आफू पक्षधर नेतालाई बनाउनु पर्ने अडान समेत नराखेको बुझिएको छ ।
तर, स्रोतका अनुसार भट्टराई पक्षले उपनेतामा आफ्नो पक्षका व्यक्ति नपरे पनि प्रमुख सचेतकमा कडा दावेदारी प्रस्तुत गर्ने तयारी गरेका छन् । भट्टराई पक्षले दलको नेता र उपनेता छाडेर प्रमुख सचेतक आफ्नो पक्षमा पार्ने तयारी गरे पनि प्रमुख सचेतक समेत आफ्नै पक्षको पार्ने रणनीति दाहाल पक्षको रहेको बुझिन आएको छ ।
संविधानसभामा आफ्ना सभासद्माथि ह्वीप जारी गर्नेदेखि लिएर महत्वपूर्ण क्षेत्राधिकार प्रमुख सचेतकमा पनि आफ्नै पक्षको नेता पार्ने अध्यक्ष पुष्पकमल दाहाल पक्षको योजना रहेको स्रोतले दाबी गरेको छ ।
प्रकाशित मिति:
January 31, 2014
