Main News » राजधानीमा बस दुर्घटना हुँदा १३ यात्रु घाइते

वैशाख ६ । राजधानीको बसुन्धारामा आज एक बस दुर्घटना हुँदा १३ यात्रु घाइते भएका छन् ।

कलंकीदेखि कोटेश्वर चल्ने बा २ ख ४६३८ नम्बरको यात्रु बस सडकबाट बाहिर गइ दुर्घटना हुँदा उनीहरु घाइते भएका हुन् । साइकल यात्रीलाई जोगाउन खोज्दा बस बिजुलीको पोलमा ठोकिन पुगेको बताइएको छ ।

घाइतेहरुको ग्रिनसिटी अस्पताल र त्रिवि शिक्षण अस्पतालमा उपचार भइरहेको प्रहरीले जनाएको छ । घाइतेहरु सबैको अवस्था सामान्य छ ।

प्रकाशित मिति: April 19, 2014