असोज १७ – महिला तथा बालबालिकाको क्षेत्रमा काम गर्दै आएको माइती नेपाल नेपालगञ्जले गत वर्षको अवधिमा मात्रै बेचिन लागेका का २४५ जना महिला तथा बालबालिको उद्धार गरेको छ ।

माइती नेपालको क्षेत्रीय कार्यालय नेपालगञ्जले गत एक वर्षको अवधिमा भारत तथा तेस्रो मुलुकको जोखिमपूर्ण यात्रामा रहेका २४५ महिला र बालबालिकाको उद्धार गरी परिवारलाई बुझाएको हो ।

सो अवधिमा हराएका महिला तथा बालबालिकाको खोजीका लागि ३३२ परिवारका सदस्यले निवेदन दर्ता गराएको माइती नेपाल क्षेत्रीय कार्यालय नेपालगञ्जले जनाएको छ ।

कार्यालयका अनुसार खाडी मुलुक तथा भारतमा बेपत्ता भएको भनी निवेदन दर्ता गराउनेहरुको सङ्ख्या अधिक रहेको छ ।

माइती नेपालले निवेदनका आधारमा गत आवमा हराएकामध्ये ३१ जना फेला पारेको तथा हराएकामध्ये अधिकांश महिला गैरकानुनी रुपमा रोजगारीका लागि खाडी मुलुक गएको पत्ता लगाएको छ ।

यसमा तपाईको प्रतिक्रिया