अख्तियारमा अख्तियारद्धारा नै दोषी ठहरिएका व्यक्ति ल्याइएपछि अख्तियार घेराउ
बैशाख ३१ । भ्रष्टचार रोकथामको एउटा मात्रै अख्तियार दुरुपयोग अनुसन्धान आयोगमा अख्तियारद्धारा नै दोषी ठहरिएका विवादस्पद छविका लोकमान सिंह कार्कीलाई नियुक्त गरिएपछि त्यसको विरोधमा३३ दलले आज अख्तियार कार्यालय घेराउ गरेका छन् ।नेकपा–माओवादी सहितका ३३ दलले मंगलवार विहान टंगालस्थित अख्तियार दुरुपयोग अनुसन्धान आयोगको कार्यालयमा घेराउ र धर्ना दिएका हुन् ।
अख्तियारले सुन तस्करीकाण्डमा ७२ लाखको दोषी ठहर गरेको व्यक्ति तथा शाहीकालिन मुख्य सचिव र जनआन्दोलन दबाउन मुख्य भूमिका खेल्ने मध्ये एक रहेका कार्कीलाई अख्तियार जस्तो महत्वपुर्ण निकायमा प्रमुखको जिम्मेवारी दिएको भन्दै ३३ दलले आज बिहान ९ बजेदेखि २ घण्टा धर्ना दिएका हुन् ।
आन्दोलनकारीहरुलाई अख्तियारको गेटसम्म पुग्न नदिएपछि उत्ततरतर्फ भाटभटेनी र दक्षिण टंगाल गणेश छेउमा आन्दोलनकारीहरुले धर्ना र नाराबाजी गरेका थिए ।
प्रकाशित मिति:
May 14, 2013
