पेरिसडाँडामा रेखाको लालसलाम
जेठ ४ । यसअघि नै माओवादीको कार्यक्रममा प्रचण्डसँग नाचेर अघोषित रुपमा माओवादी बनिसकेकी नायिका रेखा थापाले टीका लगाउँदै एमाओवादीमा प्रवेश गरेको घोषणा गरेकी छन् ।रेखालाई पाटीमा प्रवेश गराउँदा जनताले भोट हाल्लान् कि भन्ने आशा प्रचण्डमा रहेको र आफूलाई सिट दिए ठिकै होला भनेर रेखा राजनीतितिर लागेकी हुन् ।
पार्टी कार्यालय पेरसि डाँडामा आयोजित समारोहमा उनले प्रचण्डको हातबाट टिका माला लगाएर लालसलाम गरेकी थिइन् ।
नेपाली सिने क्षेत्रमा नाम कहलाईसकेकी रेखाको पार्टी प्रवेशको विषयलाई भने विभिन्न ढंगले टीका टिप्पणी गरिएको छ । उनलाई संविधानसभाको चुनावमा सिट दिने प्रलोभनका साथ उनी पार्टीको झण्डातिर ओत लाग्न गएको समेत भनिएको छ ।
यता, रेखासँगै आज नेकपा एमालेका पोलिटब्युरो सदस्य उर्मिला अर्याल पनि एमाओवादी प्रवेश गरेकी छन् ।
प्रकाशित मिति:
May 18, 2013
