ओछ्यानबाटै घिसारेर जंगली हात्तीले दुई जनाको ज्यान लियो

 रौतहट  मंसिर २६ । ओछ्यानबाटै घिसार्दै लगेर जंगली हात्तीले एकै परिवारका दुई जनाको ज्यान लिएको छ ।

  जिल्ला स्थित लक्ष्मीनिया ९ बटुवा टोलमा आज बिहान ३ बजे जंगली हात्तीको एक समूहले आक्रमण गर्दा घरमा सुतिरहेका बाबु र छोराको मृत्यु भएको हो। घरमै सुतिरहेका स्थानीय ६५ वर्षका गोबिन्द गिरी र उनका ३२ वर्षका छोरा सुमन गिरीलाई जंगलि हात्तीको समूहले मारेका हुन् । 

हात्तीले सोही घरमा सुतेका रखालमाथि पनि आक्रमण गरेको थियो । उनी भने घाइते अवस्थामा पनि भागेर ज्यान जोगाउन सफल भएका छन् । 

  हात्तीले उनीहरुको घर पनि ध्वस्त पारेको जिल्ला प्रहरी कार्यालय रौतहले बताएको छ । घटनाका बारेमा जानकारी प्राप्त भए पछि ईलाका प्रहरी कार्यालय गरुडाको टोलि त्यस तर्फ गएको छ ।

स्थानीयबासी भने दिनभर खेतिपातीको काम गर्न र राति भएपछि उक्त खेती हात्तीबाट जोगाउन जाग्राम बस्नुपर्ने अवस्था रहेको  बताउछन् ।