पुस १० । कोरियामा रहेका नेपाली युवतीहरुमा घरेलु हिंसा धेरै रहेको र उनीहरु निक्कै दुःखी रहेको खुल्न आएको छ ।

राष्ट्रिय मानव अधिकार आयोगले हालै सार्वजनिक गरेको प्रतिवेदनमा अधिकांश महिला कोरियामा अमानवीय वातावरणमा बस्न बाध्य भएको उल्लेख छ ।

कोरियाली नागरिकसँग बिहे गरेर उतै बसोबास गर्दै आएका नेपाली युवतीहरू केहीले सुख पाए पनि धेरैले दुःख पाएको जनाइएको छ ।

आयोगका तत्कालीन अध्यक्ष केदारनाथ उपाध्याय र सदस्यद्वय रामनगिना सिंह तथा प्रधानको टोलीले गत अगस्टमा कोरिया र मलेसियाको स्थलगत भ्रमण गरेर त्यहाँका नेपाली कामदार र बिहे गरेर गएका महिलाहरूबारे खोजबिन गरेको थियो । आयोगले यसरी विदेशमा गएर आफ्ना देशका नागरिकको मानव अधिकारका अवस्थामा गरेको यो पहिलो अध्ययन हो ।

नेपालमा खुलेका 'म्यारिज ब्युरो' हरूले सुन्दर सपना, समृद्ध जीवन र सुखी परिवारको आस देखाएर कोरियाका बूढा र अपांग केटाहरूसँग नेपाली युवतीलाई बिहे गराइदिने गरेको प्रतिवेदनमा उल्लेख छ ।

यसमा तपाईको प्रतिक्रिया