विवाहबाट फर्कने क्रममा भीरबाट लडेर तीनको मृत्यु

मंसिर, २३ । विवाहबाट घर आउने क्रममा भीरबाट लडेर जाजरकोट दहमा तीन जनाको ज्यान गएको छ ।

जाजरकोटको दह ४ स्थित जुम्लीखोलाको भीरबाट लडेर मृत्यु हुनेमा दह-४ का २७ वर्षका प्रेमबहादुर दमाई र २५ वर्षका मुने दमाई तथा दह-३ का ३१ वर्षका सुर्मे दमाई रहेको प्रहरी बताएको छ ।

शुक्रबार रातिदेखि हराइरहेका उनीहरू शनिबार मृत अवस्थामा फेला परेका हुन् । अत्याधिक मात्रामा मादकपदार्थ सेवन गरेका उनीहरू साँघुरो र भिरालो बाटोमा लडेको हुनसक्ने प्रहरीको अनुमान छ ।

दह-२ जुर्कका अमरबहादुर बुढाको विवाहमा बाजा बजाउन गएका तीनै जना विवाह सकेर र्फकने क्रममा लडेका हुन् । रासस