तीन दलबीच चार बुँदे सहमति
_20130317090423.jpg)
काठमाडौं पुस ९ । संविधान सभाका तीन ठूला दलहरुबीच केही समय अगाडि चार बुँदे सहमति भएको छ ।
बेपत्ता छानविन तथा सत्यनिरुपण आयोग गठन गर्ने, संविधान सभाको चुनावमा माओवादीले भन्ने गरेको धाधलीको सवालमा अध्ययन अनुसन्धान गरी सुझाव पेस गर्न एक संसदीय समिति गठन गर्ने लगायतका विषयमा सहमति भएको छ । सहमतिका बुँदाहरु निम्न प्रकारका छन् -
१. संविधानसभाको निर्वाचनमा उठेका प्रश्नहरुको सम्बन्धमा अध्ययन अनुसन्धान गरी सुझाव पेस गर्न व्यवस्थापिका संसदले एक संसदीय समिति गठन गर्ने ।
२. बेपत्ता छानविन तथा सत्यनिरुपण आयोग गठन लगायत शान्ति प्रक्रियाका बाँकी काम सम्पन्न गर्न र संविधानमा सहयोग गर्न प्रमुख दलका शीर्ष नेता रहेको उच्च स्तरीय राजनीतिक समिति गठन गर्ने ।
३.बेपत्ता छानविन र सत्य निरुपण तथा मेलमिलाप आयोग गठनका लागि पहल गर्ने ।
४. १२ बुँदे समझदारी र विस्तृत शान्ति सम्झौताको भावना बमोजिम ६ महिना भित्र संविधानको मस्यौदा र एक वर्षभित्र जारी गर्ने कार्यविधि तयार गर्ने ।
प्रकाशित मिति:
December 24, 2013
