विवादित नवनियुक्त डिन डा. शर्मा हटाइए
माघ ८ । शिक्षण अस्पताल चिकित्साशास्त्र अध्ययन संस्थानका नवनियुक्त विवादित डिन डा शशी शर्मा हटाइएका छन् ।त्रिभुवन विश्वविद्यालयले मन्त्रिपरिषद्का अध्यक्ष खिलराज रेग्मीको निर्देशनपछि उनलाई बर्खास्त गरेको हो । शर्मालाई डिनमा नियुक्त गर्ने निर्णय कार्यान्वयन नगर्न रेग्मीले मंगलबार निर्देशन दिएका थिए ।
शर्मालाई बर्खाष्त गरेको पत्र रेग्मीलाई उपकुलपतिका सहयोगी राजु श्रेष्ठ र ईश्वरमान महर्जनले बालुवाटार पुगेर मन्त्रीपरिषद अध्यक्ष खिलराज रेग्मीलाई बुझाएका छन् ।
१२ दिनयता आमरण अनसनमा बसेका प्राध्यापक डाक्टर गोविन्द केसीले भने डिनलाई हटाएपनि अनसन नतोड्ने भएका छन् । मेडिकल माफियाको दबाबमा राजीनामा दिन बाध्य पूर्व डिन प्रकाश सायमीको पुनःस्थापना लगायतका आफ्ना मागहरु सम्बोधन नभएसम्म अनसन नतोड्ने उनले बताएका छन् ।
१२ दिनदेखि अनसनरत डा। केसीले मेडिकल शिक्षामा सुधार लगायतका मागहरु राखेर यसअघि दुईपटक अनसन बसिसकेका छन।
नेपाल चिकित्सक संघले केसीको पक्षमा ऐक्यबद्धता जनाउदै संघर्षका कार्यक्रमलाई निरन्तरता दिने भएको छ।
प्रकाशित मिति:
January 22, 2014
