एक दुई दिनभित्रै सरकार गठनको विवाद अन्त्य : देउवा
काठमाडौं १ फागुन । नेपाली कांग्रेसका वरिष्ठ नेता शेरबहादुर देउवाले एक दुई दिनभित्रै सरकार गठनमा देखिएका विवाद अन्त्य हुने बताएका छन् ।नेपाल स्वास्थ्य व्यवसायी महासङ्घको नवौँ वार्षिकोत्सवलाई बिहीवार राजधानीमा सम्बोधन गर्दै नेता देउवाले नेकपा एमाले सरकारमा सामेल हुने विश्वास व्यक्त गरेका हुन् । प्रधानमन्त्री सुशील कोइरालाको संयुक्त सरकार गठनको अनुभवको कमीले केही समस्या उत्पन्न गरेको बताउँदै उनले विस्तारै समस्या समाधान हुँदै जाने वताए ।
एक फरक प्रसङ्गमा उनले नयाँ संविधान निर्माणमा स्वास्थ्य, शिक्षालाई आधारभूत आवश्यकताका रुपमा व्याख्या गरी राज्यले नै ती सुविधा दिने व्यवस्था मिलाउनुपर्नेमा जोड दिए । । महासङ्घका महासचिव मदन खनालले विशेष गरी विदेश जाने नेपालीको स्वास्थ्य परीक्षण गर्ने उद्देश्यसहित महासङ्घ स्थापना गरिएको बताउँदै महासङ्घलाई व्यवस्थित बनाउँदै लैजाने दृढता व्यक्त गरे । रासस
प्रकाशित मिति:
February 13, 2014
