एमाले सचिव विष्णु पौडलद्धारा संसदमा राष्ट्रपतिको चर्को विरोध
फागुन ९ । नेकपा एमालेका सचिव विष्णु पौडेलले राष्ट्रपति डा रामवरण यादवले गत माघ २७ गते वर्तमान सरकारलाई लिखित रुपमा सातबुँदे निर्देशन र सुझाव दिएको भन्दै कडा आपत्ति जनाएका छन् ।
व्यवस्थापिका–संसद्को शुत्रबारको बैठकको प्रारम्भमा समय मागेर उनले तत्कालीन राजाहरुले सरकारलाई दिएको जस्तो स्वइच्छाले निर्देशन दिनु लोकतन्त्र र संविधानको मर्मविपरीत भएको भन्दै आलोचना गरेका छन् । संसद्ले यस कार्यलाई नोटिसमा लिनुपर्ने माग समेत उनले गरेका छन् ।
संसद बैठकमा नेपाली काँग्रेसका मोहनबहादुर बस्नेतले नेपाल विद्युत् प्राधिकरणले फेरि पनि विद्युत्को महसुल २० प्रतिशत बढाउन लागेको भन्दै यसप्रति आपत्ति जनाएका थिए ।
एमाओवादीका हरिलाल ज्ञवालीले भने दुई वर्षको ठेक्कामा बनाउन लागिएको हुलाकी सडक चार वर्ष बितिसक्दा पनि नबनेको प्रति गुनासो गरेका छन् ।
प्रकाशित मिति:
February 21, 2014
