सभासदहरुको शैक्षिक योग्यता सार्वजनिक हुने
फागुन १५ । संविधानसभा सदस्य (सभाषद) हरुको शैक्षिक योग्यताको विवरण सार्वजनिक हुने भएको छ ।राष्ट्रिय सतर्कता केन्द्रमा कार्यरत उपसचिव शेरबहादुर ढुंगानाले सूचनाको हक अनुरूप सभासदको शैक्षिक योग्यता विवरण मागेपछि सचिवालयले विवरण सार्वजनिक गर्ने भएको हो।
सभासदको शैक्षिक योग्यता विवरण, एसएलसी वा सोमाथिको बोर्ड, विश्वविद्यालय र पूरा ठेगानासमेत माग गरिएको पत्रको जवाफमा छिट्टै सभासदको शैक्षिक योग्यताको विवरण सार्वजनिक गर्ने सचिवालयले जनाएको छ।
हाल उनीहरुको शैक्षिक योग्यता संकलन भइसकेको भन्दै सभासदको शैक्षिक योग्यताको विवरण छिट्टै संकलन गरेर उपलब्ध गराउने संसद सचिवालयले जनाएको छ ।
प्रकाशित मिति:
February 27, 2014
