कार्कीगाउँमा मोटरसाईकल दुर्घटना, २ को मृत्यु

दिप बहादुर घर्ति

जाजरकोट २८ चैत्र । जाजरकोट कार्कीगाउँ छेडा लिर्ता सडक खण्डमा बिहीवार मोटर साईकलमा सवार गरिरहेका २ जना युवा युवतीको दुर्घटनामा परि मृत्यु भएको छ ।

घुमाउरो सडकमा मोटरसाईकल नियन्त्रित नभए पछि मोटरसाईकल दुर्घटना भएको हो ।

भे.३ त.८९४६ नं.को मोटरसाईकल दुर्घनामा परि मृत्यू हुनेमा जाजरकोट खलंगा गाविस वडानं. ३ का २५ वर्षिय यूवा शिवनारायण कार्कि र रुकुम पूर्तिमकाँडा गाविस वडा नं.२ का गिठाकोटकी २५ वर्षिय यूवति हिरा पुन (डाइमन) रहेको जिल्ला प्रहरी कार्यालय जाजरकोटले जनाएको छ ।

जाजरकोट खलंगा ३ का मृतक यूवा शिवनारायण कार्कि बैद्य माओवादी निकट राष्ट्रिय यूवा जनस्वयम सेवक नगर कमिटी सदस्य भएको जनाउदै सुक्रवार तय गरिएको राष्ट्रिय यूवा जनस्वयम सेवक जाजरकोट जिल्लाको दोश्रो जिल्ला सम्मेलनलाई यस दुखद घटना प्रति सम्मेलन आयोजक समितिले एक प्रेस विज्ञप्ती जारी गर्दै हार्दिक संवेदना ब्यक्त गर्दै एक दिनका लागि सम्मेलन पछि सारिएको छ ।