जिपको ठक्करबाट बालिकाको मृत्यु
भदौ ४ – मेची राजमार्गअन्तर्गत इलामको कोल्बुङको हर्कटेमा यात्रुबाहक जिपले बालिकालाई ठक्कर दिँदा बालिकाको मृत्यु भएको छ ।
इरौँटार–४ बस्ने सात वर्षीया मुस्कान राईको बा ७ च ३३३७ नम्बरको जिपले ठक्कर दिँदा मृत्यु भएको हो ।
बालिका विद्यालयबाट घर फर्किरहेको अवस्थामा आइतबार दिउँसो जिपले ठक्कर दिएको बताइएको छ ।
जिपको ठक्करबाट घाइते उनको उपचारका क्रममा न्यूरो अस्पताल विराटनगरमा आज बिहान मृत्यु भएको प्रहरीले जनाएको छ ।
जिप प्रहरीले नियन्त्रणमा लिए पनि चालक भने फरार रहेको जिल्ला प्रहरी कार्यालय इलामले जनाएको छ ।
Watch Video
प्रकाशित मिति:
August 20, 2012
