बाघले आक्रमण गरी दुईलाई घाइते बनाएपछि बाघ नै मारियो
असोज १४ – सल्यानमा बाघले आक्रमण गरेर दुई जनालाई घाइते बनाएको छ । बाघले आक्रमण गरेपछि आक्रोशित स्थानीयले बाघलाई भने मारिदिएका छन् ।
सल्यानको खलङ्गा गाविस श्रीनगर बजारमा बाघले आक्रमण गर्दा शीतलपाटी निवासी ५४ वर्षीय दीपेन्द्र बस्नेत र ३९ वर्षीया उर्मिला विक घाइते भएका हुन् ।
आज बिहान ५ बजेर १५ मिनेट जाँदा ढोका खोलेर बाहिर निस्कँदा दुवैलाई एक्कासि बाघले आक्रमण गरेको हो ।
घाइते बस्नेत र विकलाई उपचारका लागि कान्तिपुर सामुदायिक अस्पताल भर्ना गरिएको प्रहरीले बताएको छ ।
लोपोन्मुख बाघ मार्न कानुनले प्रतिबन्ध लगाए पनि आक्रोशित स्थानीयले भने बाघ मारेका हुन् ।
प्रकाशित मिति:
September 30, 2012
