विद्युत् ट्रान्सफर्मरका विषयमा हात हालाहाल, तीन जना प्रहरी खोरमा
असोज १४ – नेपाल विद्युत् प्राधिकरण कलैया वितरण केन्द्रमा आज कार्यालय समयमा विद्युत् ट्रान्सफर्मर विषयमा विद्युत् कर्मचारी र उपभोक्ताबीच हातपात हुँदा तीन जनालाई पक्राउ गरिएको जिल्ला प्रहरी कार्यालयले जनाएको छ ।
बारा जिल्ला बलिरामपुर गाविसमा नयाँ विद्युत् ट्रान्सफर्मर उपलब्ध गराउन माग गर्दै प्राधिकरण पुगेका उपभोक्ताहरुको समूहले कार्यालय प्रमुख सुरेन्द्रप्रसाद अग्रहरीमाथि हातपात गर्नेक्रममा प्राधिकरणका कर्मचारीहरु लक्ष्मीप्रसाद कलवार र उदय यादव घाइते भएका थिए ।
सो घटनामा संलग्न रहेका बलिरामपुर–३ बस्ने महेन्द्र यादव, नागेन्द्र यादवलगायतलाई प्रहरीले पक्राउ गरेको छ ।
प्रकाशित मिति:
September 30, 2012
