सय करोड कमाउने फिल्म बन्यो 'आशिकी २'
जेठ १७ । नेपाली फिल्म अर्थात कलिउड उद्योगमा जहिल्यै घाटा र फिल्म नचिलरहेकै समाचारले बढी ठाउँ पाउने गर्दछ । तर बलिउडमा भने कुन फिल्मले सय करोड कमाउन सफल भयो भन्ने समाचार प्रमुख बन्ने गर्दछ ।
सोही विषयमा यो वर्ष 'रेस २' पछि सय करोडको क्लबमा सामेल हुने दोस्रो फिल्म 'आशिकी २' बन्न सफल भएको छ ।
अप्रिल २६ देखि रिलिजमा आएको मोहित सुरीद्धारा निर्देशित म्युजिकल फिल्म आशिकी २ को उक्त सफलतापछि निर्माता पक्षमा भने खुसीको सिमा बढेर गएको छ ।
साँगीतिक प्रेम कहानी भएको आशिकी २ मा आदित्य राय कपुर र श्रद्धा कपुरको अभिनय रहेको थियो ।
यही फिल्मबाट डेब्यू गरेका आदित्य र श्रद्धाले फिल्मी करियरको सुरुवातमा नै रेकर्ड राख्न सफल भएका हुन् ।
फिल्मको सफलता पछाडी संगीतले पनि निक्कै टेवा थपेको छ । उक्त फिल्मका सबै गीत हिट भएका छन् ।
प्रकाशित मिति:
May 31, 2013
