३३ दलद्धारा सर्वदलिय बैठक बहिस्कार, सहभागीद्धारा संविधानसभा विषयमा छलफल
बैशाख २७ । अन्तरिम चुनावी मन्त्रीपरिषदले संविधानसभा निर्वाचनको मिति लगायतका विषयमा छलफलका लागि बोलाएको बैठक ३३ दलले बहिस्कार गरेका छन् ।वर्तमान सरकार नै असंवैधानिक तवरले बनेको भन्दै सरकार खारेजीको मागमा आन्दोलनरत उनीहरुले निर्वाचनको विषयमा असहमति जनाउँदै बैठक बहिस्कार गरेका हुन् ।
सिंहदरबारस्थित डा. हर्क गुरुङ सभाहलको बैठकमा ३३ दल बाहेकका दलहरुले भने समसामयिक राजनीनिक अवस्था तथा संविधानसभा निर्वाचनको मिति लगायतका विषयमा छलफल गरिरहेका छन् ।
बैठकमा संविधानसभा निर्वाचनसम्बन्धी अध्यादेशको मस्यौदामा रहेको विवाद र मिति घोषणा लगायतका विषयमा छलफल हुने बताइएको छ ।
प्रकाशित मिति:
May 10, 2013
