बैशाख २१ । सप्तरी जिल्लाको एक नम्बर योगिनियाँ गाविसमा गएराति भीषण आगलागी भएको छ ।

आगलागीले ३९ परिवारका एक सय १५ घर जलेर नष्ट भएको जिल्ला प्रहरी कार्यालय सप्तरीले जनाएको छ । राति करिब १२ बजेतिर एक नम्बर योगिनियाँ गाविस –७ निवासी ज्वाला बनबरिया यादवका घरबाट आगलागी भएको हो । गाउँमा सबै सुतेका अवस्थामा लागेको आगाले एकै छिनमा बस्ती नै सखाप भएको हो ।

आगलागीले दुई दुई बाछा र खसी जलेर मरेका छन् भ ने एउटा मोटरसाइकल पूर्ण रूपमा जलेर नष्ट भएको छ ।

विद्युत् गडबडी भई लागेको आगो निभाउन राजविराजसहित सिरहाको लहान तथा सुनसरीको इटहरीबाट बारुणयन्त्र मगाइएको थियो ।

सोबाहेक स्थानीय बासिन्दा, नेपाल प्रहरी तथा सशस्त्र प्रहरी र नेपाली सेनाको टोलीले आगो बिहान ५ बजे नियन्त्रणमा लिएको थियो । आगलागीबाट भएको क्षतिको पूर्ण विवरण आउन नसकेको जिल्ला प्रहरी कार्यालय सप्तरीले जनाएको छ ।

यसमा तपाईको प्रतिक्रिया