सभाषद चयनपछि देवेन्द्र पौडेलले यसरी पोखे आफूभित्रको तिक्तता
सामाजिक सञ्जाल फेसबुकमार्फत उनले मृत भावनाका गु्न्जेका सपनाहरु भन्दै पार्टीको कडा आलोचना गरेका छन् । पार्टीले त्याग बलिदानी तथा शहिद बेपत्ता तथा घाइते परिवारका सपनाहरु खुल्चिएको तिर जोड दिंदै उनले निक्कै दुःख र आक्रोश पोखेका छन् । जुन यस्तो छः
मृत भावनाका गु्न्जेका सपनाहरु
मार्क्सवाद – लेनिनवाद– माओवादको विचार दर्शनलाई जीवन मरणको सवाल बनाउँदै अन्याय, अत्याचार, शोषण र दमनको सिक्रीबाट मुक्त पार्न महान सपना सहित नेपाली श्रमिक, उत्पीडित वर्गलाई आन्दोलनमा सहभागी बनाईयो । योद्धाहरुले मृत्युलाई पर्वाह गरेनन् , बरु छातीमा गोली थापेर रगतका आँशु पिउदै मृत्युवरण गर्न तयार भए । पाखा पखेरी, भीर खोला र जंगलमा मृत्युवरण गरेका अभियन्ताहरुका हाडखोर र अस्तहरु अझै बाँकी छनु ।
माओवादी आन्दोलन प्रति विमति राख्नेहरु प्रति केही भन्नु छैन । तर सोही आन्दोलनमा सहभागी भएर चिहान पुगेका मृत भावनाहरुको प्रश्न जनता मार्फत गुन्जीरहेको छ । प्रचण्ड– बावुराम– किरण– बादलहरु किन फुटेको ? किन लुछाचुडी गरेको, किन गुट – उपगुट र खोपी गुठहरुमा झिक्रे गुँड लगाएर एक अर्कामा आँखा तरेको ? कहाँ हरायो तपाईहरुको संसार बदल्ने विचार श्रृंखला ? माओवादी आन्दोलनमा सक्रिय सहभागी भएको सिपाहीको हैसियतले जनताको यो प्रश्नप्रति मेरो पनि हार्दिक ऐक्यबद्धता ।
चारैतिरबाट आन्दोलन माथि हमला भईरहेको बेलामा गुट, उपगुट, टुट, फुट र कुनाकोटरीहरुमा मात्रै रमाउने हो भने माओवादी आन्दोलनका अभियन्ताहरुको भविष्य झनै अन्धकारमा हराउँदै जानेछ र मृत भावनाका गुन्जेका सपनाहरु पनि हावा हुरीले उडाउनेछ । समयमा नै वुद्धि पलाओस् ।
प्रकाशित मिति:
December 31, 2013
