मनोहरा खोलामा एक पुरुषको शब फेला
पुस १६ – भक्तपुर स्थित मनोहरा खोला किनारामा आज बिहान एक पुरुषको मृत अवस्थामा शब फेला परेको छ ।अन्दाजी ३५ वर्षका देखिने उक्त पुरुषको खोलाको किनारामा लडिरहेको अवस्थामा स्थानियले प्रहरीलाई खबर गरेका थिए ।
मृतकले कलेजी कलरको ज्याकेट र जिन्स पाइन्ट लगाएका छन्। उनले खुट्टामा लगाएको जुत्ता चप्पल भने उनको शरिरमा नरहेको प्रहरी बताएको छ ।
शबको प्रकृती हेर्दा कसैले हत्या गरेको हुन सक्ने प्रहरीको अनुमान रहेको छ । प्रहरीले उक्त व्यक्तिको टाउकोमा चोट लागेको र दाँया कानबाट रगत बगेको प्रहरी जनाएको छ ।
घटनाको सम्बन्धमा अनुसन्धान भइरहेको र शबलाई पोष्टमार्टमका लागी शिक्षण अस्पतालमा लैजाने प्रहरीले जनाएको छ ।
प्रकाशित मिति:
December 31, 2013
