समानुपातिक सभाषद छान्न दलहरुलाई चटारो
नेपाली कांग्रेस, नेकपा एमाले, एमाओवादीसहित मधेसी दलहरु सभाषद छान्न छलफलमा जुटेका हुन् । नेपाली कांग्रेसले आन्तरिक छलफल गरिरहेको र संसदीय समितिको बैठक बसेर त्यसलाई अन्तिम रुप दिने तयारी थालेको छ ।
यता, हिजैदेखि काठमाडौंको गोकर्ण रिसोर्टमा आवासीय छलफलमा जुटेको एमालेले आज पनि छलफल जारी राखेको छ ।
समानुपातिक सभाषद सुचि नै नबुझाउने बताउँदै आएको एकीकृत नेकपा माओवादी पनि आन्तरिक छलफलमा जुटेको छ । दलहरुबीच चार बुँदे सहमति पछि एमाओवादी पनि सभाषद चयन गर्न जुटेको हो ।दिउँसो एक बजे पार्टी कार्यालय पेरिसडाँडामा बैठक बसेर सभासद् छान्ने तयारी एकीकृत नेकपा माओवादीको छ ।
त्यस्तै मधेसवादी दल पनि विहानैदेखि सभासद् छान्न लागि परेका छन् ।
पार्टी भित्रको गुटउपगुटका कारण दलहरुसभाषद चयन गर्न अप्ठ्यारोमा परेका छन् ।
प्रकाशित मिति:
December 26, 2013
