दोस्रो संविधानसभाको पहिलो बैठक सकियो
माघ ८ । दोस्रो संविधानसभाको पहिलो बैठक सम्पन्न भएको छ । सभाका जेष्ठ सभासद सुर्यबहादुर थापाको अध्यक्षता संविधानसभा भवन नयाँ बानेश्वरमा बैठक बसेको हो ।पहिलो बैठकले सविधानसभा नियमावली ०७० जारी नभएसम्म संविधानसभा नियमावली ०६५ बमोजित बैठक सञ्चालन गर्ने प्रस्ताव पारित भएको छ । त्यस्तै, संविधानसभा निर्वाचन सफल पार्न सहयोग गर्नेलार्इ धन्यबाद प्रस्ताव र अध्यक्षको व्यवस्था नहुन्जेल बैठक सञ्चालक समिति गठनको प्रस्ताव पनि पारित गरेको छ ।
बैठकमा सप्तरीका २ का एमाओवादी सभासद अशोककुमार मण्डललाई सभासदको हैसियतका काम गर्न संविधानसभा अदालतले रोक लगाएकोबारे जानकारी गराइएको छ । संविधानसभाको अर्को बैठक माघ १५ गते बस्ने भएको छ ।
प्रकाशित मिति:
January 22, 2014
