आ–आफ्नो कार्यक्षेत्रमा फर्की काम गर्न डाक्टरहरुलाई आह्वान
माघ १० । नेपाल चिकित्सक संघले देशभरीका चिकित्सकलाई आ–आफ्नो कार्यक्षेत्रमा फर्किएर जिम्मेवारी निर्वाह गर्न आह्वान गरेको छ ।विगत १३ दिनदेखि अनसन बसेका प्रा.डा. गोविन्द केसीको माग पूरा हुने भएसँगै उनले अनसन तोडेपछि काठमाडौंमा पत्रकार सम्मेलन गरी संघले यस्तो आह्वान गरेको हो ।
पत्रकार सम्मेलनमार्फत संघले प्राध्यापक डा. केसीले उठाएको मागको सम्बोधन गर्न सरकार तयार भएकाले अस्पतालहरुमा गएर कार्यभार सम्हाल्न चिकित्सकलाई आग्रह गरेको हो ।
माग पूरा भएसँगै बन्द रहेका ओपिडी सेवा पनि नियमित सञ्चालन भएका छन् ।
प्रकाशित मिति:
January 24, 2014
