ध्यानका लागि पूर्वराजा ज्ञानेन्द्रसहित कोमल शिवपुरी जंगलमा

फागुन ८ । पूर्वराजा ज्ञानेन्द्र शाह र पूर्वरानी कोमल शिवपुरी जंगलमा तीन दिनदेखि ध्यानमा बसेका छन् । उनीहरुको दशदिने ध्यान सोमबारदेखि सुरु भएको हो ।

पूर्वराजा ज्ञानेन्द्र शिवपुरीडाँडाको उकालो उक्लिसकेपछि त्यसको बायाँपट्टी रहेको खोँचको कुटीमा ध्यानमा बसेका छन् ।

काठमाडौं र नुवाकोटको सीमा नजिक शिवपुरी जंगलको एउटा खोँचस्थित कुटीमा उनी ध्यानमा बसेको समाचारपत्र र नयाँ पत्रिकाले खबर छापेका छन् । ज्ञानेन्द्रसँगै पत्नी कोमल पनि छिन् । कोमलको जन्मदिनको उपहार र प्रसाद बोकेर निर्मलनिवास पुगेका शुभचिन्तकहरुले समेत प्रसाद र उपहार निर्मलनिवासमै छोडेर आए । ७ फागुन कोमलको जम्नदिन हो ।

पूर्वरानी कोमलको जन्मदिनको शुभकामनासहित उपहार लिएर केही राजावादीहरु शिवपुरी गएका थिए । ज्ञानेन्द्रले एक कार्यक्रमको आयोजना गरी पूर्वरानीको जन्मोत्सव मनाएका थिए । उक्त कार्यक्रममा सहभागीहरुलाई ज्ञानेन्द्रले आफूलाई देशको विषयमा पनि जानकारी गराउन आग्रह गरेका थिए ।