२०६५ कात्तिक २१ गतेकै स्थितीमा रोकियो नेप्से
फागुन ११ । सरकारले पूर्णता पाउने संकेतसँगै हौसिएको नेपाल स्टक एक्चेन्ज (नेप्से) २०६५ कात्तिक २१ गतेकै स्थितीमा देखिएको छ । आइतबार अघिल्लो कारोबार दिनभन्दा ९.१९ अंकले वृद्धि भएर नेप्से ८३१.८६ बिन्दुमा रोकिएको छ । २०६५ कात्तिक २१ मा नेप्से ८३२ मा रहेको थियो । आइतबार बजार खुलेसँगै बढ्दो गतिमा देखिएको नेप्से परिसूचक दिनभर ८३८ को प्रतिरोधमा देखिएको थियो । तर परिसूचक त्यसपछि घट्दै आएर ८३१.८६ बिन्दुमा आइपुगेको हो ।
यो दिन १२५ कम्पनीको ९ लाख ७६ हजार कित्ता सेयर ४२ करोड ३१ लाख रुपैयाँमा किनबेच भएको छ ।
यो दि न बैंकिङ समूहको पनि बढेको छ । केही दिन अगाडीदेखि इन्स्युरेन्स तिब्र गतिमा बढे पनि बैंकिङ समूह स्थिर जस्तै बनेकोमा आइतबार यो समूहले पनि डोहोर्याएको पाइयो ।
प्रधानमन्त्री सुशिल कोइरालाले गृहमन्त्रालय एमालेलाई दिएरै भएपनि सरकार विस्तार गर्ने तयारी गरेकाले नेप्से अझै उकालो लाग्ने धेरैले अनुमान गरेका छन् ।
प्रकाशित मिति:
February 23, 2014
