निलो र रातो ग्यासबारे निगमले अनुगमन गर्ने

फागुन २६ । व्यावसायिक प्रयोजनको लागि निलो र घरायसी प्रयोजनको लागि रातो रङको सिलिन्डरको व्यवस्था गरेको नेपाल आयल निगमले त्यसको अनुगमन गर्ने भएको छ ।

व्यवसायिक प्रयोजनको निलो रङको ग्याँस सिलिन्डर कार्यान्वयनमा छ कि छैन भनेर निगमले अनुगमन सुरु गर्ने भएको हो ।

निगमले पहिलो चरणको अनुगमन काठमाडौंबाट गर्ने तयारी गरेको छ । त्यसपछि भने काठमाडौ बाहिर अनुगमन सुरु गर्ने निगमले जनाएको छ ।

व्यावसायिक प्रयोजनमा प्रयोग हुने ग्याँसको तथ्याङक निकाल्न दुई रङको सिलिन्डर अनिवार्य रुपमा लागु गर्न लागेको निगमको भनाई छ ।