एक सय ७४ औँ दिनसम्म अनशन बस्दा पनि सुनुवाइ भएन
शिक्षा ऐन र सहमतिलाई नियमावली बनाई कार्यान्वयन गर्नुपर्ने र सेवा अवधि गणना गरी अस्थायी शिक्षकलाई प्रक्रिया पु¥याएर स्थायी गर्नुपर्ने माग गर्दै गत पुस ३ गतेदेखि रिले अनशनमा बसेका अनशनकर्मीले आज पत्रकारसँग कुरा गर्दै सरकारले आफ्नो मागप्रति बेवास्ता गरेको गुनासो गरे ।
सरकारले पटकपटक गरेका सहमतिसमेत कार्यान्वयन नगरेको अनशनकर्मीको भनाइ छ । अनशन अस्थायी शिक्षक आन्दोलन केन्द्रीय समितिको अगुवाइमा सुरु गरिएको हो ।
कुनै पनि बहानामा अस्थायी शिक्षकलाई हटाउन नहुने, विद्यालय शिक्षक कर्मचारी पोसाक भत्ता उपलब्ध गराउनुपर्नेलगायतका माग व्यावहारिक रूपमा कार्यान्वयन नभएसम्म आफूहरूको अनशन नरोकिने अनशनकर्ता बिन्दाकुमार दास चौधरीले जनाए ।
सुरुका केही महिनासम्म तीन जनाका दरले अनशन बस्न सुरु गरिए पनि पछिल्लोपटक भने एक जनामात्र बस्न थालिएको छ ।
प्रकाशित मिति:
June 10, 2014
