काठमाडौं पत्रकार महासंघ अध्यक्षमा चौलागाई निर्वाचित

चैत्र १० । नेपाल पत्रकार महासंघ काठमाडौं शाखाको अध्यक्षमा प्रेस चौतारीका गोविन्द्र चौलागाई विजयी भएका छन् ।

कांग्रेस निकट प्रेस युनियन, एमाओवादी निकट क्रान्तिकारी पत्रकार संघ, नेकपा माओवादी निकट क्रान्तिकारी पत्रकार महासंघ तथा स्वतन्त्र पत्रकारहरुको संयुक्त प्यानल रहेपनि अध्यक्षमा भने एमाले निकट चौतारीका चौलागाई विजयी भएका हुन् ।

आइतवार भएको निर्वाचनमा चौलागाईले संयुक्त प्यानलका प्रत्यासी दिनेश बस्नेतले पछि पारेका हुन् ।

त्यस्तै उपाध्यक्षमा पे्रस युनियनका सृजन झा, सचिवमा क्रान्तिकारी पत्रकार महासंघका रामकृष्ण अधिकारी, सह–सचिवमा ज्ञानप्रसाद बास्तोला विजयी भएका छिन् । यस्तै, कोषाध्यक्षमा पदका लागी भएको निर्वाचनमा सिता प्रोखेल  विजयी भएकी छिन् । 

काठमाडौं शाखामा क्रान्तिकारी पत्रकार महासंघका केही व्यक्तिले संगठनको नीति विपरित चौतारीसँग मिलेर छुट्टै प्यानल बनाएपछि संयुक्त प्यानलमा त्यसको प्रभाव परेको हो । महासंघलाई चौतारीले सचिव तथा उपसचिव पद दिएपछि चुनावमा क्रान्तिकारी महासंघ विभाजित भएको थियो । उक्त समूहले संस्थापन पक्षले भने निष्काशन गरिसकेको छ ।

यता, नेपाल पत्रकार महासंघ ललितपुर शाखाको अध्यक्षमा लेखनाथ न्यौपाने विजयी भएका छन् । न्यौपानेलाई क्रान्तिकारी पत्रकार संघ र क्रान्तिकारी पत्रकार महासंघ तथा ढकाललाई प्रेस चौतारी र प्रेस युनियन नेपालको समर्थन थियो । न्यौपानेकै प्यानलबाट उपाध्यक्षमा सागर न्यौपाने १ सय ३८, सचिवमा हिम विष्ट १ सय ८२ र कोषाध्यक्षमा दामोदर खनाल १ सय ५४ मतले विजयी भए ।