बैंकमार्फत नक्कली नोट भारत पठाउने पक्राउ
मंसिर २६ । सनराईज बैंक धरानबाट नक्कली नोट भारत पठाउने एक युवक पक्राउ परेका छन् ।संखुवासभा चेपुवा–८ का सनम टासी भोटेले सक्कली पैसा सँग नक्कली पैसा राखेर भारत पठाउन लागेको समयमा प्रहरीले प्रक्राउ गरेको छ ।
भारतको रहेकी श्रीमतीको खातामा दुई लाख भारतिय रुपैंया पठाउने क्रममा बैंक कर्मचारीले नक्कली नोट भएको पत्ता लगाएपछि प्रहरीलाई खबर गरेका थिए । खबर लगत्तै बैंकमा पुगेको प्रहरीले प्रक्राउ गरेको थियो।
प्रहरीले उनको साथमा ७४ हजार भारतिय नक्कली नोट प्राप्त गरेको जनाएको छ ।
प्रक्राउ परेका टासी भोटेलाई आज इलाका प्रहरी कार्यालय धरानले पत्रकार सम्मेलन गरी उनलाई सार्वजनिक गरेको हो ।
प्रकाशित मिति:
December 11, 2013
